Oppskriftsbloggen minj

Fiskesuppe

2011-08-11T00:15:00.000-07:00

Eg tråla nettet etter ei fiskesuppe eg kunne lage frå botn av, og denne var vi ganske nøgde med :) Oppskrifta er henta frå meny.no, og du finn henne her.

4 porsjonar

-600 g torskefilet
-1 stk persillerot
-2 stk gulrot
-2 stilk stangselleri
-1 stk liten purre
-1 ss rapsolje
-1 fedd kvitløk, finhakka
-2 stk fiskebuljong (terning)
-1,5 l kokande vatn
-2 ss kveitemjøl
-3 dl matyoghurt
-50 g reker (evt 100 g dersom du droppar crabsticks)
-50 g crabsticks
-½ ts salt
-1 krm peppar

Strimle opp grønnsakene og surr dei i oljen saman med løk og kvitløk.
Spe med fiskekrafta/buljongen, og gje det heile eit oppkok.
Skru ned varmen.
Ha i fisketerningar på ca 2x2 cm.
Rør mjølet inn i yoghurten til ein glatt masse, og ha blandinga i suppa under omrøring.
Trekk i ca 5 minutt, til fisken er nesten mør. NB: Suppa skal ikkje fosskoke etter at du ha hatt i yoghurten!
Ha i reker og crabsticks, og kok opp.
Smak til med salt og peppar.

Svinewok

2011-07-25T07:09:00.000-07:00

Denne oppskrifta er henta frå matprat.no.

2 porsjonar
-250 g svinekjøtt i strimler
-2 ss olje
-1 stk gulrot
-1 stk rød paprika
-½ stk purre
-1 ts buljongpulver
-1 ½ dl vann
-2 ts soyasaus
-1 ts maisstivelse (maizena)
-½ ts malt ingefær
-½ ts salt
-½ ts grovmalt pepper

-Strimle opp grønnsakene.
-Varm opp oljen i wokpanna, og brun kjøttet i små porsjonar. Legg til sides etterkvart.
-Fres grønnsakene.
-Ha kjøttet tilbake i wokpanna og bland saman.
-Bland buljong, maizena og ingefær og hell over.
-Rør til det kokar.
-Smak til med salt og peppar.
-Trekk i eit par minutt.
-Server med kokt ris.

Du kan sjølvsagt bruke andre grønnsaker viss du har andre preferansar. For oss er til dømes kvitløk eit must!

Pavlova

2010-07-22T13:07:00.000-07:00

Denne oppskrifta er henta frå matprat, på denne sida. Veldig god!

Marengsbotn:
4 stk eggehvite
¼ ts salt
250 g sukker
2 ts maisstivelse (maizena)
1 ts hvitvinseddik eller bringebæreddik

Pisk romtempererte eggekviter sakte saman med litt salt til dei dannar eit mjukt skum. Skru opp hastigheita til boblene i skummet er små og jamne. Når skummet dannar stive topper har du i sukkeret litt etter litt. Pisk til blandingen er mjuk og blank og alt sukkeret er oppløst. Ikkje visp for lenge, for då blir blandinga kornete. Vend deretter maizena og eddik forsiktig inn. Bre utover på bakepapir. (NB! Husk at du skal ha det over på eit fat etterpå! Det var berre flaks at mamma hadde eit fat som passa ;)

Steik midt i omnen på 160 grader i ein time.
Lat botnen stå til han er kald.

Oppå:
1 boks/3 dl kremfløte - pisk krem.
1 pk ferdig vaniljekrem - vend inn i kremen.

Ha kremen oppå kaka.

Frukt og bær etter eige forgodtbefinnande :) Skjær opp i bitar og fordel over kaka.

Smoothie

2010-06-17T09:32:00.001-07:00

"Man tager hva man haver...", men dette funkar iallfall for meg:

Til 2 store glass:

1 stor/2 små nevar frosne skogsbær el. anna bær.
Appelsinjuice (nesten opp til kanten av bæra i blenderen).
2,5 dl vaniljeyoghurt.
1 banan.
Evt 1 kule vanlijeis.

Kjør bær og juice i blenderen. Fyll etter med yoghurt, deretter banan og evt is. Kjør til jamn blanding (sjølv om eg for min del ikkje syns det gjer noko med litt småklumpar!)

Knekkebrød

2010-06-16T13:12:00.000-07:00

2 dl solsikkekjernar
2 dl sesamfrø
4 dl store havregryn
4 dl sammalen kveite, grov
7 dl temperert vatn

Bland det tørre.
Slå over vatnet.
Lat det heile svelle i eit kvarter.
Bre deigen utover to steikeplater.
Rut opp i passe store bitar.
Steik i 75 minutt på 150 grader, varmluft.

Eg har fått tips om å lagre knekkebrøda i metallboks utan lokk, for å halde dei sprøe og gode :)

Mamma sine kjøttkaker

2010-06-15T06:00:00.000-07:00

500 g kjøttdeig
1,5 ts salt
1/4 ts peppar
1/4 ts muskat
1 krm ingefær
2,5 ss potetmjøl
ca 2 dl mjølk (eller vatn)

Hakk gjerne litt løk og ha i.

Arbeid salt og krydder inn i deigen så han vert seig,
deretter mjølet.
Spe med væske litt etter litt.
Form til runde kaker og steik i varm panne.

Og med hjortekjøttdeig frå Romsdalen blir det endå betre :)

Kyllingsuppe á la Mari&Lars Eirik :)

2010-05-28T11:37:00.000-07:00

I eit bursdagsselskap hos Mari og Lars Eirik fekk vi ein gong servert denne framifrå suppa, og no har eg endeleg fått kloa i oppskrifta og fått prøvd ho ut på eige kjøkken. Det vil gjenta seg!

3-4 personar

2 kyllingfiletar, skjært i bitar
1 hakka løk
1 eple, skjært i terningar

Surr dette i 2 ss margarin.
Hell deretter over:

2 boksar hakka tomat (hermetikk)
1 kartong matfløte (kan byttast ut med kokosmjølk)
1 dl vatn
2 grønnsakbuljongterningar
1 strøken ss sterk karri
1 ts sukker

Lat det heile putre i 5-10 minutt.
Server med brød av eitt eller anna slag :)

Foccacia

2010-05-28T11:05:00.000-07:00

Denne oppskrifta er henta frå tine.no. Eg har tilpassa ho min eigen smak ;)

1 pk gjær
5 dl lunka vatn
0,5 ts salt
1 ts sukker
1 l kveitemjøl
2 ss olivenolje

Bland alt saman. Ha i oljen til slutt slik at han legg seg utanpå deigen på eit vis. Deigen skal vere ganske blaut. Lat han heve i ca ein halv time. Tøm han så ut i ei smurd lita langpanne.

På brødet anbefalar tine følgjande:

1 dl fetaost i små terningar (kan sløyfast)
3 ss frisk rosmarin og/eller timian
2 dl steinfrie oliven, svarte eller grønne
2 ts havsalt
1,5 dl olivenolje

Dette skal stikkast i/bli strødd på brødet. Oljen til slutt. Personleg er eg ikkje så glad i oliven, så eg brukte soltørka tomat i stadan. Fetaost har eg ikkje prøvd, men kvitløk er eit must. Eg delte fedda i 2-4 bitar som eg stakk ned i brødet.

Før det etterhever i 10 min brukar du hendene dine til å klappe deigen, slik at det blir mange små groper på overflata.

Steik ved 180 grader i ca ein halvtime.

Oreokake

2010-05-16T06:44:00.000-07:00

Det er teke utgangspunkt i denne oppskrifta. Svigermor har modifisert henne, og eg har adoptert henne ;) Les gjennom heile oppskrifta før du går på butikken!

Bunn:
210 g dot-kjeks (1 pk). (Opprinneleg oreo-kjeks).
100 g smør.

Hakk kjeksen i foodprosessor.
Ha i smøret, og kjør til alt er i éin deigklump.
Bre massen utover botnen i ei 24 cm rund kakeform.

Ostekrem:
1 pk philadelphia light, naturell (200 g). (Opprinneleg oreo-kjeks).
2,5 dl melis.
1 boks kremfløte.
70 g dot-kjeks (1/3 pakke), grovhakka. (Opprinneleg oreo-kjeks).

Bland osten med melisen til ein jevn masse.
Pisk krem av fløten.
Vend osteblandinga inn i kremen.

Ha 2/3 av kremen oppå botnen. Strø/stikk kjeksen over.

Sjokolademousse:
1 pk toro sjokolademousse.
3 dl mjølk.
70 g dot-kjeks (1/3 pakke), grovhakka. (Opprinneleg oreo-kjeks).

Lag sjokolademousse som anvist på toro-pakka.
Bre moussen forsiktig over ostekremen. Strø/stikk kjeksen over.

Ha resten av ostekremen oppå, og strø den siste tredjedelen av dot-kjekspakka (grovhakka) på toppen til pynt. Du kan i tillegg pynte med smelta sjokolade eller sjokoladesaus.

Sett kaka i kjøleskapet, og la stå i minst ein time.

Viss du vil ha eit klarare skille mellom laga i kaka, let du ho stå i kjøleskapet ein halv time før du legg på nytt lag.

Nyt og bli mett, rett og slett! :)

Julebrød

2009-08-31T02:42:00.000-07:00

1 pk gjær
3 dl mjølk
1,5 dl sukker
1 l kveitemjøl
175 g smør (gni inn i mjølet)
1 ts kardemomme

-Sett deigen til heving.
-Etter heving: Ha i 150 g rosiner og 150 g sukat som du har strødd litt mjøl på først.
-Etterhev.
-Steik ved 200 grader i 30-45 minutt.

Aniskringle

2009-08-31T02:40:00.000-07:00

2 pk gjær
1 l skumma mjølk
125 g smelta smør
125 g sukker
1 pk anis
Ca 1,5 kg kveitemjøl
Ei klype salt

Steik ved 225 grader i ca 15 minutt.

Osterundstykke med oregano

2009-08-31T02:36:00.000-07:00

50 g gjær
5 dl mjølk
1,5 dl kveite - heilkorn
1,5 ts salt
550 g kveitemjøl
1 ss oregano
200 g riven ost

-Kok opp mjølka og slå ho over heilkornet.
-La det stå til det vert lunka og løys opp gjæra.
-Bland alt saman og arbeid til deigen er jamn.
-Hev.
-Del i 20-24 emne og trill ut til jamne rundstykke.
-Etterhev.
-Steik ved 225 grader i ca 10 minutt.

Marihøna sine favorittmuffins

2009-05-28T08:36:00.000-07:00

(12 stk)
300 g mjøl
2 ts bakepulver
150 g sukker
1 egg
1 ts vaniljesukker
2,25 dl melk
50 g smelta smør

100 g friske bær
25 g hakket sjokolade

200 grader i 25 minutter

GROVT brød

2009-05-24T15:09:00.000-07:00

1 kg Fibra (ferdigblanding)
0,5 kg solsikkebrød (ferdigblanding)
0,5 kg kornbrød (ferdigblanding)
0,5 pakke solsikkefrø
0,5 pakke kruskakli eller havrekli
2 pk gjær
2 ts salt
ca 1,5 l lunka vatn
2-4 ss honning eller sirup

Bland alt saman utan å kna.
Hev i 15-20 minutt, eller til dei fyller formene.

Steik i 1 time på 200 grader, gjerne varmluft.

Saftig sjokoladekake á la Åshild

2009-05-24T15:03:00.000-07:00

400 g smør
4 dl vatn
6-8 ss kakao
9 dl sukker
1 beger lettrømme
9 dl mjøl
2 ts natron
0,5 ts salt
4 egg

Ha smør, vatn og kakao i ein stor kjele. Kok opp.
Slå av plata, men la kjelen stå på.
Tilsett sukker og rør rundt til deg tek til å løyse seg opp.
Ha i rømmen og rør godt.
Ha i sikta mjøl. (Viktig at det er sikta for å unngå klumpar!)
Ha i natron, salt og egg. (Egga bør du røre saman først og ha i litt etter litt)
Hell røra i ei stor langpanne.
Steik ved 175 grader i ca 30 minutt.

Lag glasur medan kaka står i omnen:

100 g smør
350 g melis
4 ss mjølk
2 ts vaniljesukker
1 plate kokesjokolade

Smelt smør og ha resten oppi.

Når kaka er ferdig steikt skal du umiddelbart stikke mange hol i kaka med ein gaffel og helle glasuren over, slik at han trekkjer litt ned i kaka.

Herlig saftig!

Karen si gulrotskuffekake

2009-04-26T05:19:00.000-07:00

4 dl kveitemjøl
1 ts natron
2 ts kanel
1 ts vaniljesukker
1 ts salt
3 egg
4 dl sukker
2,5 dl matolje
4 dl rivne gulrøtter
2 dl knust ananas, godt avrent
2 dl kokosmasse
2 dl hakka valnøtter (kan sløyfast)

-Bland mjøl, natron, kanel, vaniljesukker og salt i ein bolle.
-Visp samman egg, sukker og olje i ein annan bolle. Bruk elektrisk visp.
-Tilsett mjølblandinga litt etter litt og rør godt.
-Vend gulrøttene, ananasen, kokosen og nøttene.
-Hell røra i lita langpanne (23x30 cm), og steik i 60-75 min på 175 grader.
-Avkjøl kaka før du har på glasuren. Det går også an å sløyfe glasuren.

Glasur
200 g cream cheese
5 dl florsukker
1 ts vaniljesukker
75 g smør

Chop suey á la svigers

2009-04-12T09:28:00.000-07:00

4 porsjoner

-600 g grytekjøtt av svin
-1 løk el sjalottløk
-2 gulrøtter
-1 purre
-1/2 sellerirot
-1 ss smør
-4 dl buljong (vann + hønsebuljongterninger)
-2 ss soyasaus
-1 ts salt
-1/4 ts peppar
-1 ss maisenamjøl

-Skjær kjøttet i avlange, litt tynne strimlar.
-Skjær løk og purre i ringar og sellerirot og gulrot i tynne strimlar.
-Brun kjøttet raskt i varm panne, tilsett løken, buljongen, soyasausen, salt og peppar.
-Kok opp og la trekke ved 80 grader i ca 30 minutt.
-Tilsett grønnsakene.
-Jevn retten med maisennamjøl utrørt i litt kaldt vatn.
-Kok opp og la trekke i 2-3 minutt, til grønnsakene er såvidt møre.
-Smak til med salt og peppar.
-Server med ris eller pasta.

Nammenam :)

Oppskrifta er henta frå ei minikokebok frå opplysningskontoret for kjøtt.

Laks med couscous

2009-02-17T08:46:00.000-08:00

Du kan heilt sikkert bruke denne couscousoppskrifta til andre ting en laks, men akkurat i dag var det 40% på all Findus på ICA, og bakpå pakka med sprøbakt lakserullade fylt med brokkoli og ost fann eg denne deilige oppskrifta (som gjev 2 porsjonar):

1 dl couscous.
100 g sukkererter.
1/2 raudløk.
1 kvitløksbåt i skiver.
5-10 delte cocktailtomatar (eg brukte cherrytomat).
2 ss olivenolje.
50 g cashewnøtter, naturell.
1 skrella appelsin i terningar.

Kok couscousen etter anvisninga på pakka.
I mellomtida steikar du sukkererter, raudløk, kvitløk og cashewnøtter i olivenoljen i 2 minutt. Ha så i tomatane.
Bland couscousen med grønnsakene og appelsinen når han er ferdig.

Brød

2009-02-16T14:02:00.001-08:00

Mine brød blir aldri heilt like, sidan eg tek mjøl og frø og slikt på slump... Men her er iallfall noko eg syns det er godt å ha i deigen!

(Til fire brød)
-2 pk gjær
-15 dl væske (vatn, mjølk...)
-1 ss salt
-1 dæsj olje
-solsikkefrø
-linfrø
-havregryn
-kruskakli
-sammale kveitemjøl (fint)
-fint kveitemjøl
-hakka nøtter
-raspa gulrot
-yoghurt

Ja, det er igrunn berre å bruke fantasien (og restar i kjøleskapet...)

Baccalao

2008-11-23T06:57:00.000-08:00

3-5 porsjonar

Oppskrifta er henta herfrå.

3- 400 gram klippfisk
10 - 12 poteter (etter størrelse, smak og behag)
2-3 bokser med hakka tomat
2 løk
0,5-1 raud chilipepper
1-4 fedd kvitløk (smak til)
2 desiliter olivenolje

Vatne ut klippfisken. Det står gjerne på pakka kor lenge det er anbefalt å la han ligge i vatn, eller du kan spørje på fiskebutikken. Eg lot han ligge i 12 timar, og det var nok hakket lengre enn naudsynt.

Skrell potetane og skjer dei i skiver på ca 1,5 cm. Løken skjer du også i ganske tjukke skiver/bitar. Eg kjøpte hakka tomatar med chili og kvitløk, men dersom du brukar ferske varer finhakkar du desse.

Legg alle ingrediensane lagvis i ei gryte som er stor nok. Start med tomat, følg på med potet, løk og fisk. Eg fekk eit par-tre lag. Oljen hadde eg oppi til slutt før eg krydra med litt salt og peppar. Basilikum er også godt. Eg har også sett oppskrifter der ein har oppi paprikabitar og soltørka tomat for å sette prikken over i-en. Eg fekk dessutan tips om å ha oppi litt vatn for å få han "blautare", men det blir jo også etter korleis ein ønskjer det.

Kok opp, og la det så småputre i 1,5-2 timar. Server med brød eller flatbrød.

Om det var godt?

Pølsegryte

2008-05-04T09:38:00.000-07:00

2-3 porsjonar

2-3 middagspølser
1 purre
2 gule eple
Ca 1 dl créme fraîche
Peppar
Karri

-Skjær pølsene og epla i terningar.
-Steik pølsebitane i litt olje på panna.
-Ha i purren og epla litt etterkvart.
-Når du syns det er ferdigsteikt har du oppi crème fraîchen og rører saman.
-Smak til med peppar og karri.
-Server med pasta, og gjerne ein frisk salat.

Snickerskake

2008-05-04T08:13:00.002-07:00

5 eggekviter
4 dl sukker
30 ritz-kjeks
250 g peanøtter
1,5 ts bakepulver
1,5 ts vaniljesukker

Krem
5 eggeplommer
4 ss melis
100 g smelta, avkjølt lys sjokolade
3 dl kremfløte

-Pisk eggekvitene stive med sukker i ca 12 minutt til stiv marengs.
-Finhakk peanøttene og knus kjeksene.
-Bland peanøtter, kjeks, bakepulver og vaniljesukker og vend forsiktig inn i marengsen.
-Fordel massen i ei stor langpanne.
-Steik midt i omnen i 20 minutt ved 170 grader.

-Pisk eggeplommer med melis og bland med smelta og avkjølt sjokolade. (Ikkje rør for mykje, då blir sjokoladen kornete).
-Pisk krem av fløten og bland med sjokoladen.

-Del kaka i to delar som du legg oppå kvarandre.
-Legg krem mellom laga og oppå.
-Strø peanøtter på toppen.

Sunne muffins

2008-05-04T08:09:00.000-07:00

2,5 dl kveitemjøl (Kan også bruke spelt eller sammalt grovt).
3 dl lettkokte havregryn
2 ts bakepulver
1 dl brunt sukker eller kunstig søtning
2 ts vaniljesukker
0,5 ts salt
2 ts kanel
2 egg
0,5 dl rapsolje (eller anna olje)
2 dl skummamjølk
2 smakfulle, rivne eple

-Bland det tørre i ein bolle.
-Visp egg, olje og mjølk i ein annan bolle.
-Skrell og riv epla.
-Rør alt saman lett saman. Røra skal vere litt klumpete.
-Ha i store muffinsformer.
-Steik midt i omnen i 20-25 minutt ved 180 grader.

Banankake

2008-05-04T08:07:00.000-07:00

2 egg
2 koppar sukker
2 godt modne bananar, mosa
8 ss mjølk
200 g margarin, smelta
3 koppar kveitemjøl
2 ts bakepulver
2 ts vaniljesukker
1 ts natron

-Rør saman egg og sukker.
-Bland alt til ein glatt deig.
-Hell over i rund kakeform eller stor brødform. Funkar også særs godt som muffins :)
-Steik i 30-40 minutt ved 180 grader. (Litt kortare viss du veljer muffinsvarianten!)
-Pynt eventuelt med melisglasur.

Ostekake med kjeks

2008-05-04T08:03:00.001-07:00

1 pk kornmokjeks
125 g margarin/smør
50 g nøtter

-Grovhakk nøttene og knus kjeksen.
-Bland det med mjukt margarin/smør og trykk blandinga i kakeform på ca 24 cm.
-Avkjøl.

Fyll
3 egg
4 ss sukker
1beger (175 ml) melon- eller aprikosyoghurt
250 g ananas/mandarinost (smøreost)
1 pk gele (appelsin eller sitron)

-Lag gele av 2,5 del vatn. Sett kjøleg til han er halvstivna.
-Pisk eggedosis av egg og sukker.
-Bland ost og yoghurt og ha den i eggedosisen.
-Tilsett den halvstive geleen.
-Hell fyllet over kjeksbotnen og sett kaka kjøleg til ostefyllet er stivna.
-Pynt med det du vil; kiwi, mandarin, appelsin, krem, riven sjokolade...
-Det går også an å ha eit lag med gele oppå ostefyllet viss du vil det.

Anitas trøflar

2008-05-04T08:01:00.000-07:00

150 g margarin
250 g melis
3 ss kakao
2 ts vaniljesukker
Kokosmasse

-Smelt margarinen og avkjøl litt.
-Bland det tørre og slå margarinen oppi.
-Elt og trill til små kuler.
-Rull dei i kokosmasse.

Snadder! :)

Skulebrød

2008-05-04T07:57:00.001-07:00

50 g gjær
2 dl lunka mjølk
4 ss margarin
0,5 dl sukker
0,5 l kveitemjøl
1 ts kardemomme

-Bland det tørre og smuldre i margarinen.
-Rør gjæra ut i mjølka.
-Bland saman og elt godt.
-Hev.
-Del deigen i 12 emne og trill rundebollar.
-Trykk dei flate på plata og lag ei fordjupning på midten.
-Legg 1 ss vaniljekrem i.
-Etterhev.
-Steik i 10 minutt ved 225-250 grader.
-Avkjøl.
-Ha på melis og dypp i kokosmasse.

Delfiakake

2008-05-04T07:53:00.000-07:00

2 plater à 125 g kokesjokolade
4 ss sterk kaffi
250 g delfiafeitt
2 egg
2-3 ss sukker
Per-kjeks
100 g marsipan
Geletoppar
Eventuelt også fiken, aprikos og valnøtter.

-Smelt delfiaveittet på svak varme. Avkjøl.
-Smelt sjokoladen i kaffi på svak varme.
-Visp eggedosis av egg og sukker.
-Tilsett den smelta sjokoladen og visp godt saman.
-Tilsett litt og litt delfiafeitt understadig omrøring.
-Visp røra jamn og fin.
-Legg alt lagvis i aluminiumskledd brødform.
-Avkjøl til kaka er stivna.

Veldig godt og veldig mektig :)

Bærpai med marsipan

2008-05-04T07:48:00.000-07:00

150 g margarin
1 dl sukker
0,5 krm bakepulver
3,5 dl kveitemjøl
1 egg
100 g marsipan (kan kuttast ut)

-Bland saman og lat kvile ein halv time
-Trykk ut i 25 cm paiform. Ta av litt deig til gitter.
-Dersom du vil kan du kjevle ut ca 100 g marsipan og legge i botnen av paien.
-Strø ca 300 g bær over. (Til dømes frosne skogsbær. Nam!)
-Strø over 2 ss sukker og 2 ts potetmjøl.
-Lag gitter over med resten av deigen.
-Steik nederst i omnen i20-30 minutt ved 200 grader.
-Server med vaniljesaus eller is :)

Bollar

2008-05-04T07:46:00.001-07:00

100 g smør, smelta
100 g sukker
Evt 1 egg
50 g gjær
3 dl mjølk
Ca 500 g kveitemjøl
1 ts kardemomme
Evt 1 ts bakepulver

-Rør ut gjæra i smør og mjølk.
-Ha i egg, sukker, mjøl, kardemomme og bakepulver.
-Hev.
-Rull ut bollar. (Trur det kan bli ca 18...?)
-Etterhev.
-Steik i 10 minutt ved 225 grader.

Kanelsnurrar (skillingsbollar)

2008-05-04T07:16:00.000-07:00

750 g kveitemjøl
200 g sukker
150 g margarin
50 g gjær
5 dl lunka mjølk

-Rør ut gjæra i væska.
-Ha i det tørre og arbeid godt saman.
-Hev ca 1 time.
-Del deigen i to emne.
-Kjevle kvar del til ein firkant på ca 40x40 cm.
-Smør utover litt margarin og strø på kanel og sukker (og eventuelt rosiner).
-Rull saman til ei pølse.
-Skjær opp i passe emne og sett bollane til etterheving.
-Pensle med egg og strø med perlesukker dersom du ikkje vil ha melisglasur.
-Steik i 15-17 minutt ved 225-250 grader.

Bladkrans

2008-05-04T07:11:00.001-07:00

Ca 75 g margarin
3 dl mjølk
25 g gjær
0,75 dl sukker
0,5 ts kardemomme
Ca 7,5 dl kveitemjøl

Fyll: smør, kanel og sukker

-Smelt margarin og blandi mjølka.
-Rør ut gjæra i margarin/mjølk-blandinga ved ca 37 grader.
-Ha i sukker, mjøl og kardemomme.
-Hev.
-Kjevle ut til rektangel.
-Smør på smør og strø på kanel og sukker.
-Rull saman til ei pølse og legg i ein krans på steikebrettet.
-Klipp snitt i kransen og brett til sidene sånn at det ser ut som ei flette.
-Etterhev.
-Pensle med egg, og strø perlesukker og hakka mandlar over.
-Steik i 15-20 minutt ved 225 grader.

Alternativ fyll:
-100 g margarin
-100 g sukker
-100 g kokosmasse
-2 eple

-Rør saman smør og sukker. Ha i kokosmassen. Smør det utover midten av leiven.
-Skrell epla og skjer dei i små terningar. Strø terningane over smør/sukker/kokosblandinga.

Kvikklunsjkake

2008-05-04T07:06:00.000-07:00

Mormor hadde stort sett alltid denne kaka ståande ;)

3 egg
3 koppar sukker
225 g margarin
2 ts bakepulver
3 ss bakekakao
1,5-2 koppar mjølk
4 koppar kveitemjøl

-Pisk egg og sukker til eggedosis.
-Smelt margarin.
-Bland det tørre, og ha det i eggedosisen vekselvis med mjølk og margarin.
-Fyll røra i smurt langpanne.
-Steik i 25-30 minutt ved 200 grader.

Glasur
300 g melis
100 g margarin
1,5 ss kakao
2 ts vaniljesukker
3 ss sterk kaffe

-Rør alt godt saman og stryk over avkjøla kake.

Fromasjkake med frukt

2008-05-04T06:27:00.000-07:00

Dette er ei søt, frisk og herleg kake, som som regel slår godt an!

2 pk gele etter smak og behag. (Eg likar best ei blanding av boysenbær og jordbær, eller berre jordbær).
9 dl vatn. (Litt mindre enn når du lagar vanleg gele med andre ord).
1 boks kremfløte.

-Lag gele og la han halvstivne.
-Skjer opp frukt i bitar (2 eple, 2 appelsinar, 2 bananar, 2 pærer, druer. IKKJE kiwi - då stivnar ikkje geleen...)
-For å spare deg for litt arbeid går det an å bruke ein fruktcoktail som basis.
-Pisk fløten og vend den inn i den halvstive geleen til farga er ganske jamn.
-Bland i frukta. Det skal vere ganske tett med frukt.
-Ha i rosiner, nøtter og kokesjokolade om du vil.
-Hell i form som er skyld i vatn, og lat den stå i kjøleskapet til fromasjen er stivna.

Den kan av og til vere litt keitete å få ut av forma, men like god likevel!

Det blir omtrent så mykje:

Svele

2008-05-04T06:23:00.000-07:00

Den kjente ferjekosten i Møre og Romsdal ;)

3 egg
4 ss sukker
1 l kulturmjølk
3 koppar kveitemjøl
2 ts natron

-Pisk saman egg og sukker.
-Rør natron ut i litt av kulturmjølka.
-Bland mjøl og mjølk vekselvis.
-La røra svelle ca 15 minutt.
-Steik på begge sider på takke eller i panne til svelene er lysebrune.

Vossebollar

2008-05-04T06:11:00.000-07:00

3 koppar kulturmjølk
1 kopp sukker
1 kopp sirup
1 kopp margarin
0,5 ss natron
0,5 ss hjortesalt
2 ts kanel
5-6 koppar kveitemjøl

-Smelt margarin og bland i sirup.
-Rør natron og hjortesalt ut i litt av mjølka.
-Bland alt godt saman.
-Bruk ei spiseskei til å sette bollar på bakepapir/smurt plate.
-Steik i ca 12 minutt ved 200 grader.
-Server med smør og brunost :)

Nøttekake med pære

2008-05-04T06:05:00.001-07:00

2 egg
2 dl sukker
1 dl mjølk
1 dl kveitemjøl
1 ts bakepulver
100 g malte nøtter

-Pisk egg og sukker.
-Bland mjøl, bakepulver og nøtter, og rør det i vekselvis med mjølka.
-Steik i rund kakeform ca 40 minutt ved 175 grader.

Oppå kaka
1 boks hermetiserte pærer. (Del opp i båtar og legg oppå kald kake).
1 boks kremfløte. (Pisk til krem og smør over pæra).
Pynt med ferdig sjokoladesaus.

Krydderkake

2008-05-04T06:02:00.000-07:00

9-10 dl kveitemjøl
1,5 ts kanel
1,5 ts nellik
1 ss natron
5 dl sukker
7,5 dl kulturmjølk
150 g margarin

-Sikt det tørre.
-Ha i mjølk og smelta, avkjøla margarin.
-Rør saman til glatt deig.
-Hell røra i smurt langpanne.
-Steik i 25-30 minutt ved 180-200 grader.

Fransk middagspai

2008-05-04T05:38:00.000-07:00

Deig
3 dl kveitemjøl
100 g margarin (du kan erstatte noko av smøret med cottage cheese)
2 ss kaldt vatn
1 ts salt

-Smuldre alle ingrediensane saman.
-Lat deigen stå kaldt i minst 30 minutt. (NB! Deigen kan frysast ned til seinare bruk!)
-Trykk ut i paiforma, og prikk med ein gaffel.
-Forsteik midt i ovnen i ca 10 minutt ved 200-220 grader.

Fyll
Ca 250 g skinke
Ca 150 g riven ost (gjerne med litt smak på)
2 dl mjølk
1 dl matfløte
3 egg
Salt
1 ts peppar
1 ts muskat
Løk/kvitløk
Sopp
Spinat
(Bruk fantasien!)

-Pisk saman mjølk, fløte og egg. Ha i krydderet.
-Legg spinat, sopp, skinke (eller kva du no enn brukar) i paien.
-Hell i mjølkeblandinga til den er nesten opp til kanten på paideigen.
-Strø over osten.
-Steik i 20-30 minutt ved 200-220 grader.
-Server med frisk salat.

Pizzahorn

2008-05-04T05:28:00.001-07:00

1 pk gjær
1 dl vatn
2 ts salt
0,5 ts sukker
3 ss smelta margarin
4 dl mjølk
1 ts bakepulver
12 dl kveitemjøl

-Rør ut gjæren i vatnet.
-Bland i resten av ingrediensane og elt saman.
-Hev.

Fyll
Fyll kan vere nesten kva som helst. Sjølv likar eg best anten pizzafyll, eller kjøttdeig med tacokrydder. Bruk fantasien! Uansett har eg alltid med ei osteskive ;)

-Del deigen i to emne, og kjevle ut til runde leivar.
-Del kvar leiv i 8 snippar.
-Legg ei osteskive og litt fyll på kvar snipp.
-Rull saman til horn.
-Steik i 10-12 minutt ved 250-275 grader.
-Server varm, gjerne med salat til.

Marinert ost

2008-05-04T05:14:00.001-07:00

-Skjer kvitost eller edamerost i terningar (ca 1 cm).
-Bland osten med soltørka tomatar i olje.
-Ha i pressa kvitløk etter eigen smak.
-Strø over pizzakrydder.
-Mariner i balsamikoeddik.

Aller best etter ein dag i marinaden :)

Karelske pirogar

2008-05-04T05:00:00.000-07:00

Grautrestar seier du? Prøv desse pirogane til kvelds!

2 dl kaldt vatn
2,5 dl rugmjøl
2,5 del kveitemjøl
1-2 ts salt

-Bland alle ingrediensane og kjevle ut til mange små pirogar (10-15 cm i diameter?).
-Legg ei god spiseskei graut (gjerne litt tjukk) midt på leivane.
-Brett opp kantane.
-Steik pirogane i ca 15 minutt på 275 grader.
-Når dei er ferdigsteikte dyppar du dei i ei blanding av smelta smør(50g) og mjølk.
-Server pirogane varme, med eggesmør.

Suomalainen pannukakku (finske pannekaker)

2008-05-04T04:53:00.000-07:00

Til ettermiddagskaffien :)

4 munaa (4 egg)
1 litra maitoa (1 l mjølk)
2 ruokalusikkaa sokeria (2 ss sukker)
0,5 teelusikka vaniljasokeria (0,5 ts vaniljesukker)
7 desilitra vehnäjauhoa (7 dl kveitemjøl)
1 desilitra öljyä (1 dl olje)
Vähän suolaa (Litt salt)

Paistetaan moin 30 minuttia, 220 C
(Steik ca 30 minutt på 220 grader celsius)

Eg anbefalar å servere med syltetøy; til dømes boysenbær! Nam!

Gulrotkake

2008-05-04T04:44:00.000-07:00

4 egg
2 koppar sukker
2 koppar kveitemjøl
2 ts kanel
2 ts vaniljesukker
2 ts natron
1 ts salt
1 kopp matolje
2-3 koppar raspa gulrot

-Visp egg og sukker til eggedosis.
-Bland i resten av ingrediensane.
-Steik midt i ovnen på 140 grader, i minst 80 minutt.

Glasur:
50 g smør
1 ts vaniljesukker
125 g melis
125 g smøreost (naturell eller ananas/mandarin)

-Bland saman alle ingrediensane.
-Smør på avkjølt kake.
-Pynt med det du vil - til dømes riven sjokolade eller ein kvast sitronmelisse.

Grove horn

2008-05-03T07:44:00.000-07:00

16 horn

12 dl kveitemjøl
4 dl sammale kveite, grov
8 ss margarin
6 dl mjølk
50 g gjær
1 ts salt

-Smelt margarinen og slå i mjølka. Varm opp til 37 grader.
-Bland det tørre.
-Rør gjæra ut i mjølk/margarin.
-Arbeid alt raskt saman.
-Ikkje forhev.
-Del i to emne og kjevle kvar av dei ut til rund leiv.
-Del kvar leiv i 8 spissar og rull dei saman til horn.
-Hev.
-Pensle med egg og strø på valmue- og sesamfrø.
-Steik ved 225 grader i 12-15 minutt.

Ostescones

2008-05-03T07:29:00.000-07:00

8 scones

5 dl kveitemjøl (Halvparten kan byttast ut med sammalen kveite, fin eller grov)
1,5 ss bakepulver
0,5 ts salt
1 krm peppar
50 g smør eller margarin
1 egg
2 dl skumma kulturmjølk(gjev fin konsistens og reduserer feittmengda)
1 dl riven, mager ost
3 ss klipt eller 1 ss tørka graslauk
(+ eventuelt rosiner for ein fin spiss på smaken)

-Forvarm steikeomnen til 225 grader.
-Bland dei tørre ingrediensane i ein bolle eller i kjøkkenmaskin.
-Smuldre i smøret.
-Bland egg, mjølk, ost og graslauk.
-Ha blandinga i bollen og elt deigen raskt saman.
-Ha deigen på bakebordet. Kna raskt saman.
-Trykk eller kjevle ut til 1 cm tjukk, rund leiv på bakepapirkledd plate.
-Skjær leiven i 8 snippar.
-Steik midt i omnen på 225 grader i 15-20 minutt.
-Server dei helst medan dei er lunkne. Det held seg forøvrig fint i frysaren i minst ein månad. Varm dei i så fall nokre minutt i ovnen før servering.